|
موغان - گئرمی ، فولکلور دوشرگهسی فولکلور، خالق یارادیجیلیغی، کولتور، میتولوژی، مدنیت (عکس: اسماعیل شهباززاده)
| ||
|
تورک خالقلاریندا قورد آغزی باغلاما اینانجی ایران تورکلریندهکی قورد آغزی باغلاماسینی عقیدهلی آدام، پاک اینسان، ایمام و یا آغساققال ائدر، ایتمیش حیوانلار تاپیلینجا قوردون (=اوراداکی یایقین آدی ایله جاناوار) آغزی عینی شخصلر طرفیندن آچیلار. باغلاما و آچما بیرچوخ یئرده اولدوغو کیمی پیچاقلا اویغولانماقدادیر. ماراقلی اولان آغزی باغلی قوردون یانینداکی مزرعه حیوانلارینا توخونمامیش اولماسیدیر. بو نوع تثبیتلر سوریه تورکمنلری آراسیندا دا یاپیلمیشدیر. چاناققالا بؤلگهسینده قورد آغزینین باغلانیلماسی اوچون قریش سورهسی ترسیندن اوخونمالیدیر. «ترس»، موتیفینین بو اویغولامادا یئر آلماسی ماراقلیدیر. آیریجا قورد آغزی باغلانیلماسیندا اوخونان فرقلی دعالارین اورتاق نقطهلری اوزرینده دورولماسی اویغولامانین ماهیتینی داها قولای آنلاشیلار حالا گتیرهبیلر. یازینین آردی [ سه شنبه هفدهم مرداد ۱۳۹۶ ] [ 12:22 ] [ آیدین (علی محمد) خلفی زنگیر ]
قوردآغزی باغلاما اینانجی گئجه بیر حیوان چؤلده قالیب حیوان ییهسی اونو تاپا بیلمهدیکده، قورد یئمهسین دئیه، بیر قرآن اوخویان شخصین یانینا گئدیب قوردون آغزینی باغلادیر. قرآن اوخویان، دستکلی و قاتلانان بیر پیچاغی الینه آلاراق «والضحی» سورهسینی اوخویور و بیچاغا پیلهییب (اوفلهييب/ پولهييب) باغلادیقدان سونرا ایتن حیوانین «اوستو اوخونور»[1]. بئلهلیکله ده، قوردون آغزی باغلانیر. بونونلا قوردون او حیوانا توخونا بیلمهیهجهیی دوشونولور. حیوان ییهسی حیوانینی تاپاندان سونرا همین پیچاغین آغزینی آچمالیدیر. بئله ائتمهسه سوچ (گناه) ساییلار. بیر آز دوشوندوکده، دئمک اولار کی، بو آیین یئرلی انسانلارین، ان اسکی چاغلاردان سئحر (بویو) ایله اولان ایلگیسینین اسلام دونو گئیمیش نوعودور. ندنسه، اسلامدا بئله بیر قایدانین اولمادیغینی بیلیریک.[2] [ چهارشنبه یازدهم مرداد ۱۳۹۶ ] [ 11:0 ] [ آیدین (علی محمد) خلفی زنگیر ]
اؤیرهدیجی اویونلار و اویونجاقلار مصطفی ائرگون
یازینین آردی [ چهارشنبه چهارم مرداد ۱۳۹۶ ] [ 15:24 ] [ آیدین (علی محمد) خلفی زنگیر ]
|
وئبلاغا گؤره  بو وئبلاق موغان بؤلگهسینده اولان کند و شهرلرله ایلگیلی فولکلور، میتولوژی و مدنیّت حاقدا آراشدیرما آپاریر. بو قوللوقدا باشاری قازانماق بیلیملی و ماراقلی اینسانلارین یاردیمی اولمادان چوخ چتیندیر. اونا گؤره یاردیم دیلهمکدن ده گئری قالمیریق. یازیلان فولکلور نمونهلری، اینانجلار، میتولوژیک دوشونجه آچیقلامالاری و.س ایله اوغراشماق هئچ ده بوتون بونلارا اینانماق معناسینا گلیب چیخمیر. اجدادیمیزین دوشونجه و یاشام طرزینی اؤزونده ساخلایان و اوزون مودّت عرضینده نئچه نسلین تصوّر و دوشونجهسیندن سوزولوب گلن بو ماتریاللار، اینانماغا یوخ مطالعه ائدیب اؤیرنمک و درس آلماق اوچون اؤنملیدیر. بوتون بونلاری یئر آلتیندا اولان آرخئولوژی اشیالاری کیمی مطالعه ائدیب بیر میلّتین کولتور، مدنیّت، یاشام طرزی و معنویاتینی اؤیرنمک اولار. آرخئولوژی اشیالارینی اوغرولار چالدیغی کیمی، بو ماتریاللاری داشییان یاشلیلاریمیزی دا اَجَل ووردوقجا، گونو-گوندن بو حاقدا مطالعه اوچون گئرچک قایناق آزالیر. اون اوچون معنوی ثروتیمیزین قایغیسینا قالان هر کیمسه گئج اولمادان ایشه باشلامالیدیر. | |
| [ طراحی : ایران اسکین ] [ Weblog Themes By : iran skin ] | ||