|
موغان - گئرمی ، فولکلور دوشرگهسی فولکلور، خالق یارادیجیلیغی، کولتور، میتولوژی، مدنیت (عکس: اسماعیل شهباززاده)
| ||
|
چوبانچیلیق موغانین دوغال دورومو بئلهدیر کی ، هم مال-داوار و قویون کئچی ساخلاماغا هم ده اکینچیلیگه اویغوندور. موغانین خوصوصیله داغلیق بؤلگهلرینده مال-داوارچیلیق چوخ اؤنملی بیر ایشدیر. عومومیّتله هر کیمسهنین اؤز گوجو و واری، بیرده یاشادیغی یئرین اوتلاناجاغینین آز چوخلوغو ایله باغلی داواری اولور. قارا مال، پاییز و قیش فصیللرینین چوخ واختینی تؤولهده حاضیر یئم یئییر. اما قویون هاوانین ایستی و سویوقلوغونا باخمایاراق، یئرین اوزونو قار اؤرتونجه، اوتلاقلاردا اوتلامالیدیر. و بونا گؤره ده قویونچو و قویون اوتاران، ایلین آز گونلریندن باشقا، قالانینی چؤللرده قویون اوتارماقلا مشغول اولور. ائله بونا گؤره بیزیم یئرلر ده چوبان دئیَنده قویون اوتاران یادا دوشور. قویونون دیلییجه دئییلن سؤزه باخساق ایلین قارلی واختیندا دا قاردان باش قالدیرمیش چؤر-چؤپون باشینی وورماق اوچون چؤلده اولور؛ اوچ آی قیشی چؤر-چؤپه باش قویمهرم یاز اولجاغین گؤی چیمننن دویمهرم هر ائوه گئسسم اونی کاسیب قویمهرم آللو-گوللو خلچهلریم وار منیم سارو- سارو کرهلریم وار منیم (رحمانی سالامت). یازینین آردی [ دوشنبه یکم آبان ۱۳۹۱ ] [ 22:52 ] [ آیدین (علی محمد) خلفی زنگیر ]
|
وئبلاغا گؤره  بو وئبلاق موغان بؤلگهسینده اولان کند و شهرلرله ایلگیلی فولکلور، میتولوژی و مدنیّت حاقدا آراشدیرما آپاریر. بو قوللوقدا باشاری قازانماق بیلیملی و ماراقلی اینسانلارین یاردیمی اولمادان چوخ چتیندیر. اونا گؤره یاردیم دیلهمکدن ده گئری قالمیریق. یازیلان فولکلور نمونهلری، اینانجلار، میتولوژیک دوشونجه آچیقلامالاری و.س ایله اوغراشماق هئچ ده بوتون بونلارا اینانماق معناسینا گلیب چیخمیر. اجدادیمیزین دوشونجه و یاشام طرزینی اؤزونده ساخلایان و اوزون مودّت عرضینده نئچه نسلین تصوّر و دوشونجهسیندن سوزولوب گلن بو ماتریاللار، اینانماغا یوخ مطالعه ائدیب اؤیرنمک و درس آلماق اوچون اؤنملیدیر. بوتون بونلاری یئر آلتیندا اولان آرخئولوژی اشیالاری کیمی مطالعه ائدیب بیر میلّتین کولتور، مدنیّت، یاشام طرزی و معنویاتینی اؤیرنمک اولار. آرخئولوژی اشیالارینی اوغرولار چالدیغی کیمی، بو ماتریاللاری داشییان یاشلیلاریمیزی دا اَجَل ووردوقجا، گونو-گوندن بو حاقدا مطالعه اوچون گئرچک قایناق آزالیر. اون اوچون معنوی ثروتیمیزین قایغیسینا قالان هر کیمسه گئج اولمادان ایشه باشلامالیدیر. | |
| [ طراحی : ایران اسکین ] [ Weblog Themes By : iran skin ] | ||